ياقلب تكفى من تجاهلك خله
لاتتبع المقفين لوكان غالين
اليا صار ما منك خطا حاصلن له
لاتشغل نفسك فيه اول وهالحين
ولاتعاتبه في كل غلطه وزله
صد وتغاضى وبدل العسر باللين
ولاتمسح اسمه من دفاتر سجله
يمكن يروح اليوم ويعود بعدين
وان اقبل اقبل له ورحب وهله
ودمح خطاه واعتبر ماحصل شين
لاتذكره بمافات وحذر تقله
الماضي انسه وبدل الشين بالزين
ون كان ماعود بلياه كله
خله يروح وصك كل العناوين
وكان انت مخطي ايصله واعتذر له
العذر ماهو عيب من ناس مخطين
وان كان مامنك خطا ومنك زله
خله يروح وفيه غيره كثيرين