راكب اللي يعجب السايق ركوبه
لا وطا الأرض الجلد تسمع وحيفه
فالبريمي شابكينٍ عكس هوبه
سايقه يضرب به الدار المخيفة
كن شطرطون الوكالة في جنوبه
والرخوم اللي روابعهم ضعيفه
نحّروه سعود والجود ابشروا به
فالمهمات الثقيلة والخفيفة
شارب حب المراجل مع شروبه
غير عيّت ما تجي الدنيا بكيفه
لو تضيفه ما بملكه غير ثوبه
فرّشك ديباج والحفك بقطيفه
الرفيق اللي مساعيه محبوبه
فيه دايم شُرد أفكاري طريفه
في شمال الدار ولاّ في جنوبه
دامني ضيف وهو موجود ضيفه
عن بنوك المال تكفيني جيوبه
كن لي في العاصمة راتب وظيفه
كل ما اندارت بنات الفكر صوبه
خذ نصيفه والأوادم في نصيفه