يا أهل الغرام أنا دفعت الغرامة
ومشاعري هاظن عليها وفزّن
فاللي عيونها بفوق الكِمامة
والنظرة كنّها وشعرٍ موزّن
طاح الحشا فيها وكنّه عدامه
ورموشها فاللي يناظر يحزّن
ودّي اقرّب يوم اقّرب قدامه...
خرخيشهن خرخش بعرقي وهزّن
جسمه مدوزن مع حلاوة قسامه
ساعة رمل وارمالها فيّ يرزّن
يا مهرةٍ واوصافها يا سلامه
باعنادها وانكادها يستفزّن
شاعر ويكتب في قصيدة خصامه
غزل على طعم الغرامه مخزّن
في جيبة الجزدان وجيبة حزامه
وذكرياته في شواقه يلزّن
ياما دفعنا بالثمن والغرامة
والله عليها يندفع ما يعزّن