دا الحبّ ليه. يا خلق أعمي وأطرش
وانا حظّي جاب لي البق وبقيت بهرش
منها الايدين في الشقّ ولا قادر أفرش
دي عيونها عايزة الحرقّ لو يوم ترمش
الحب عمل لقلبي فورمات مصنع
من همي فيك يا غلبي يغلي ويمنع
حتى طيوري وكلبي قالوا ما ينفع
لو كان دا سوري وحلبي لازم يطلع
في الحب أنت بجد عالم عارف
للشعر عندك. رد. ببحور غارف
فيه الجمال والورد مزهر وارف
وعليك ما يقدر حد رايه مخالف
الناس تقول بالفرد وانت تلاته
أستاذ ف فن الرد. نلت ميزاته
زيك دا. ما فيه حد. يعرف زاته
شعرك بناء مش هد تعلى عظاته
الحب أعمى ولو صحيح بيبرش
يچذب شباب برقص يجري يروش
أنت اللي حبك كالنمور بتخربش
لو شفت وشك اضربه بظباطة
فالحب أعمى وف هواكي ببربش
وفي بحر حبك اسمحي لي اطبش
قلبيفي هواكي كالنمور بيخربش
واجري للقاكي بالعباية مطربش