يابيوت الشعر حدي واستعدّي
دك هاجوسي نويت اكتب قصيده
ثم سيري واكسبي رهن التحدّي
يوم كلن قام يعلن ويش رصيده
لامشينا حثي الخطوه وجدّي
واشعلي بالشعر نيران وقيده
ماعيله لو وقف خمسين ضدّي
كل واحد يعتبر نفسه وليده
والكلام اللى يوديه المودّي
بالبريد وبالاذاعه والجريده
ياحليل اللى يقرّب حول حدّي
من يشيره والله انه مايفيده
سيفي الي شافه الكافريهدّي
ويتجمّد قاني الدم في وريده