مهما الليالي تدور

مهما اللّيالي تدور

حبّك ترى في الصّدور

إنتِ يا بدر البدور

لك كلّ حُبّ وشُعور

يا أمّنا يا الحبيبه

يا الغاليه يا القريبه

إسمِك بقلبي وجيبه

في غيبتك والحضور

أنْتِ يا نَبع الحنان

بيت الدّفا والأمان

لو بارْ بيّ الزّمان

ما ظن حبِّك يبور

دايم بطيفِك أهَلّي

عايش معي مثل ظلّي

لى شوفته ما يملّي

إن مَرّ طِيفِك يزور

أحسّ بك في فؤادي

في صحوتي وفي رقادي

حبك ما هو شيّ عادي

دايم وما له فُتور