الناس كتير زعلانه

الناس كتير زعلانه

من الحقّ والرمّانه

عايزين يهزوا فلانه

علشان نفوس خسرانه

تحكم بنبض خيانه

ويضيعوا الإنسانه

حقدا عليك يا مصر

الناس كتير خايفين

وبيصرفوا الملايين

وِيْهيّجوا الدبابير

علشان قضايا كتير

تفضل في وسط البير

تايهه مع التّايهين

ينفد عليها سنين

والثوره تنساها

فيه ناس كتير ناقمين

خايفين من التمكين

للشرعْ والقوانين

خايفين على التمويل

اللي يذلّ العين

والبهرج الكداب

اللي بيحْييهم

يرفع أسامي لفوق

علشان يكونوا البوق

يمدح ويرسمهم

فيهْ ناس كتير كارهين

وبيشتموا الملايين

عمّال على بطّال

حتى على الإحسان

النقد حق إليك

واجب لمصر عليك

تظهر محاسنهم

تظهر معايبهم

لكن بدون تجريح

ويكون لوجه الله

خلي مدادك شهب

بالحق يقذف لهب

يشعل جبال الحطب

يهزم جنود الغضب

يكسر سيوف النّخب

منذور لوجه الله

وإن كنت مش قادر

لا تثن على الغادر

أو تمدح الفاجر

أو ترهب النّاصر

أو ترفع الصّاغر

أو تجعل الكافر

مؤمن لوجه الله

اكتب لوجه الله

واشهد لوجه الله

تِنْهَضْ وِتِتْمَيّزْ

بلدك بشرع الله