من سموات
اشتياقى
للندى ف صبح الامانى
تغسل الفرحه زمانى
وابتسم لحظة تلاقى
شوقى للعنب البناتى
من نسيمك يحتوينى
ترسم الضحكه سنينى
يندهش فيكى سكاتى
الكلام يطلع معطر
من حنان شهدك ياسكر
والهوى يدخل حنينى
تسكنى ف قلبى ياعينى
مهما تبعدنا الخطاوى
النسيم منك يجينى
واكتبك على مرسى قلبى
انتى محبوبتى ياحبى
يامزارعنا الحزينه
ياللى شاهده
على اللى حاصل
رجعى لينا السكينه
واحجبى كل الفواصل
عمرى ما اقدر يوم افاصل
اصل انا ع الود باقى
وانتى ساكنه بين عروقى
انتى فرحى وانتى شوقى
وانتى محبوبتى اللى نازله
من سموات اشتياقى