مابغي الهدايا عندي اغلى هديه
حبك وتقديرك وخوفك عليا
وكل الهدايا في عيوني صغيره
لانك ياروح الروح اكبر هديه
الناس تهدي كل منهو تحبه
لاجل القلوب تزيد عشق ومحبه
مادمت انت الغالي اللي احبه
كل الهدايا تقر حبك شويه
تاريخ ميلادي بدا يوم شفتك
والعمر ياعمري ابتدا من عرفتك
والله لو في يوم عمري وهبتك
ماظنتي بوفيك فضلك عليا
شوفتك عندي تسوى كل الهدايا
لانك غلا قلبي وغايه منايا
يكفيني انك ياحبيبي معايا
يا اروع هديه ساقها الله ليا