بعد ليلٍ سريته لاهو بكيفي ولا مشهاي
فتحت ارشيف حاجاتٍ من اول كنت مخفيها
ملف لسالف ايام العذاب وضيقي بدنياي
ملف لخيبة طموح الحياة وكسر راعيها
لقيت القل وانا الي مجيي كان من اقصاي
وعرضت الخفوق لحاجةٍ ماكان قاويها
وقنعت من الطريق الي ماقدر جيتي وخطاي
ولا قدر مسافاتٍ انا من قبل ما اخطيها
تلاشت رغبتي بالوصل بعد الي حصل وياي
وانا نفسي تعيف الحاجه ان بانت مساويها
اثر بعض الامل سبة شقاي وضيقي وبلواي
واثر ياسي يحل العقده الي كنت بنهيها
عرفت ان المشاعر بعضها تضعف قوي الراي
واثر ما تجرحك غير القلوب الي تداريها
ومصيبه يوم اراجع في معاناتي ولا القى عداي
ولا القى غير طعنه من يدينٍ كنت اداويها