كل ما تمشي دلع وتصب غيمة من نظرها
التفت لرموشها وابعد مآسيّ الحزينة
فاتنه صحت ضمير وصبت الغيمة مطرها
لو محاجرها سحر كل الأوادم ذاخرينه
قلت اسلي خاطري وافك نفسي من قهرها
لكن القصة تجدد والوفاء الله لايهينه
ملهمة شعري حكاية لاتهادت من ثغرها
ضكحةٍ تنساب في صدري وتغشاه السكينة
وان تلعثمت بكلامي تبتسم كنه شكرها
وردتني للعدود اللي على حد المدينة
آه ياروح القصيد وياشوارد من حصرها
وياطريقٍ كل ما مل الصبر جدد حنينه
الدموع إلها جموع وصيب الوابل غمرها
لكن اللي مافهمته كل مقفي محترينه
خذ من القصة سؤال وخل لولك في بحرها
هو صحيح إن الوداع يدمّر النفس الحزينة؟