ياسحابة نبت بالظل سجاد
مري البال واستاقي حلالي
وبللي شامخ افكاري بما جاد
من شموخك وخليني لحالي
ما زهمتك وجيتي دون ميعاد
اطربي للمطّرف والموالي
سافري بي بلاد وخلي بلاد
تنتظرني اليا هبت شمالي
وانشري كل نفح لكل ماطاب
أنتي الطيب لي أول وتالي
بارقك فيه للأحلام ميلاد
وراعدك نوب مر ونوب حالي
لكن اللي معه لثعولك شداد
ما يهمه عشان السوم غالي
يخطف الفكر من ما صافحه ماد
وياصلك غيث يسقي ما طرالي