يا جرح ! لا تكبر ترى اثيابك اجداد !
توّك طري ّ العود والعمر بدري !!
يا جرح ! حتى الموت لفناك ما فاد !
وانا عزاي ان مت يرتاح صدري !
الضيقة اللي تالي الليل تنعاد
اتبع رضاها ! خوفي الناس تدري !
طفل الضما الى نفى سلوة الواد
بيتي نفى من سود الايام جدري !
عيب الهدايا صَمْت يشبه له اعياد
من وين مرّ العيد ! والله ما ادري !!
شعري وحسن القد ّ واسلوبي الجاد
أضحى غرور بعين من شاف كدري !
صحيح فيني عيوب وافعالي امجاد
لكن محال ان يشتكي الجار غدري !
وصحيح مر الوقت من بلسمي فاد
لكن ملاذ الدمع بالخد حدري !
في جرأتي بالحق تحسب لي اسياد
وانا أشد ّ من الحيا بين خدري !
وفي هقوتي بالشعر تاريخ لاحفاد
ما هو مجرد بوح ينساب هدري
وش ينفع المشهور لو يملك ابلاد !
ما للشعر قيمه إلى طاح قدري !
ويا جرح ! كان الموت لفناك ما فاد !
جعل الذي ما قد درى اليوم يدري !