بيض الله وجه من يعزم ربوعه
الطلي حطه لهم والكيف حطه
عادةٍ لهله بوقتٍ راح جوعه
ومايغط الطيب طيب مايغطه
مير اشوفك ياولد تبغى القطوعه
وافتح الدفتر وسجل مانخطه
روحن ثنتين من شهر وسبوعه
بس هذي ثابته والحق وطه
والتشره ماهو من فقر ومجوعه
المطاعم وافره في كل محطه
مير شرهتنا على الطيب طبوعه
خابرك نادر حرار ومنت بطه
جاك علمٍ فيه ظيقه فيه لوعه
اقبله ماتقبله خله ونطه
ومن رحل يرحل ولانطلب رجوعه
وجعل من هان النفّس بقعا تلطه