يا ليل
عتمة سوادك
ناكرة ليه
لأقرب ما ليك
وقاسية حتى
ع الولاد
اللى سهروا
يناجوا
فيك
ويحبوا فيك
رغم عتمة السواد؟!
إرحل يا ليل
فارقهم
ضيعت الأرض
منهم
من بعد
ما سهروا ليلك
وآمنوا بيك...
خليلهم
أرحل يا ليل
فارقهم
دور ليلك نهارك
بتخالف ليه مدارك؟!
دور ليلك نهارك
ضيعت ديارنا
منا
تصبح فى يوم
مثيلنا
وتتوه عنك نجومك
وتتوه منك ديارك
الخلق يا ليل ..غلابة
وسُخرة مع الديابة
ضاعت وياك
سنينا
يا فجر هات ...إجابة
ودور ليلك نهارك