مُشْكِلَة عَنْدِي مْعَ هَذْ لْقَلْبْ
مْتَاوِي عَلِيَّا هُوَ وَلْعِينْ
مَرَّة مَرَّة يَخْفَقْ بْحُبّْ
وَلِّي قَهْرُو عَشْقُو لَلزِّينْ
أَعِينِي قِيلْ عْتَارِي
مَا نَاشِي قَدّْ الْجَمَالْ
كُلّْ مَرَّة تَكَدِي نَارِي
بَلْخَدّْ وَلْقَدّْ وْبَالدَّلاَلْ
عْيِيتْ نَحْفَظْ سْوَارِي
وَتْقَاضَى لِي رَدَّانْ لْبَالْ
مَرَّة بَايَعْ وْمَرَّة شَارِي
مَرَّة هَايَمْ كِي نَاسْ لْحَالْ
شْكُونْ لِّي يْقُولِّي مَا نَعْمَلْ
وَالْقَلْبْ عَنْدِي عَاشَقْ مَغْرُومْ
عْيِيتْ مَا نْقَلَّبْ وْما نْسَوَّلْ
وَلِّي سْأَلْتُو يْقُولِي مَفْهُومْ
الجَّهْدْ فِيَّا قَرَّبْ يَكْمَلْ
مَا يَبْقَاشِي لْوَاحَدْ فِينَا مَوْهُومْ
وَالْقَلْبْ بْالَغْرَامْ مَا عَنْدُو حَلّْ
بْحَالْ الْعَوَّامْ عَيَّاهْ الْعُومْ