الواقع اللي يحرق اقلوبنا حرق
لولا مداد الحلم ماكان هادي
بشايرك ساريه يانجمة الشرق
ومايقطع المنقسم دفع الأيادي
مدايد المنفعه ماجابها الحذق
وماياصل المنقطع كثر العنادي
والأرض للي حرث ماناشها فتق
حتى ولو معوله رسمه ينادي
عطشان يسقي لمردود التعب شفق
يروي ولو ينثني بالقيض صادي
وصرف القدر غايته تاخذ لها حق
وفالمنع حكمه يوافقها منادي
والمعطي اللي يسوق المزن بالودق
نفنا ومداته الجزله جدادي
لو نتبع الحيل ونعدي على الشهق
نتعب ولا نقرب حدود المرادي
شف فرصتك كيف لك جنحانها خفق
تجيك لو موقفك منها حيادي
لان النصيب اللذي بمصافحك شفق
مايركب لغيرك امتون الشدادي
ياشعيل ولك البقا يامدرج الحدق
ياشايل الحمل والثقل التلادي
تعرف خدود المدى لو تنطبق طبق
تقرى معالم لها طبعك قيادي
دايم توجسك يصدق جوفها الطرق
وتميز الشيح عن شوك القتادي
دام الامل حاضرك ي الواثق اللبق
لابد ما ياتي لوردك معادي
اعمارنا تنسرق بايامنا سرق
وارواحنا تعشق وفيها تمادي
لو البشر جافيه من طبعنا الرفق
فالحضر نحفظ عهدنا والبوادي
والواقع اللي يحرق احلامنا حرق
داخل مداد الحلم لازال هادي