أول بشاير السما
هلت علينا من ساعات
من يوم ما شمس الكون بدت
رسمت حاجات طلت حاجات
اوعاك تعيش جوا حزنك
اوعاك تقول العمر فات
طول ما الحياه صاحيه جنه
طول ما السما فوقنا حنه
لسه جايه الأمنيات
حاول تعيش جوا حلمك
جوا محرابك
فوق سجادة صلاة
جوا عيون طفله جميله
نظره منها تعيش حياة
جوا رضا أمك قلب كبير
تلم فيه كل الشتات
عيش بذكري تملي باقيه
امسك تلابيب الفرح
يجري حزنك من سكات
خلي عمر الدنيا يمشي
وامحي ثواني الحزن
خلي ذكري حب باقيه
فمهما زمان العمر يهرب
تمللي باقيه الذكريات