ما سمعتك

ما سمعتك

اعذريني

ما سمعتك

كنت سارح بالملامح

كنت ساري بالظلام

كنت غارق بالغمام

لي دروب من الهدب لين الشفاه

من ورى ظلمة عيونك

كان لي دنيا وحياه..

لو سألتي الناس ناس..

بينهم فارق انا في حبّك احساس.

ياللي حسْنك كان لي أوّل نظر

قبْلها ما كنت داري انّي اشوف

ياللي لمْسة من يدك كانت سحر

قبلها ما كنت داري لي كفوف

بمشي كفوفك طريق..

لين الاقيك..

برسم وصوفك بريق

لين اللاقيك..

لو سألتي الناس ناس..

بينهم فارق انا في حبّك احساس

سولفي لي في وصوفك

علّمي قلبي من انتي؟

عن زماني وين كنتي؟

سولفي لي في وصوفك

واحبسيني واطلقيني

من كفوفك..

خصلة الليل سكنت شعرك سواد

وبسمة الغيم لبست ثغرك بياض

يا سواد اتعبتني ليل وسهاد

يا بياضٍ قلبي انا من الحبّ فاض..

يا لمعة النجمة ويا ظل الذهب

العمُر دونك تعب والله تعب..

لو سألتي الناس ناس..

بينهم فارق انا في حبّك احساس.