استهل الشعر من ديم الجزال
والقريحة.. عودت.. تدويرها
جيت اعلق حلم وآمال ووصال
جيت والغيبة قفى تقصيرها
جيت والزينة تنادي لي تعال
جيت ضامي برتوي من بيرها
الجمال اللي سِحر زينه حلال
خدرتني.. لعنبوا.. تخديرها
ريم جافل لا تذيّر ب اعتدال
قلت سبحانه حلا تصويرها
الجميلة وصفها دِق وجمال
لا حكت ايّوه.. وش تعبيرها
لا حكت بالصرب يا ربي مُحال
بوسنيّه جعل.. ربي يجيرها
الحلا الكايد تكمل ب اكتمال
وانحسر بالوصف في تبريرها
الغرور اللي خذا منها السؤال
في جوابي صدق ما في غيرها
كني الزير المسمى ف المثال
ومن جنون الشعر غازي زيرها
بشرب الإحساس من سِكر وهبال
ثملةٍ من.. كادها.. وعبيرها
لين تطلع شمسنا عقب الزوال
ثم يزول السحر.. مع تأثيرها