للحين تنشدني عن الحزن يا زين
وأنا الذي من جوف الأحزان غابق
لو تفهمين الحزن يا بنت تلقين
اسمي على اسمه بالحروف متطابق
أخذت منه الياس والعطف واللين
وأيضا خسرته قبل لا أكون سابق
عودي خضر والعود لو يكسر اثنين
ما فاح ريحه بين الأنسام عابق
رفيق دربي دوك جرحي من إسنين
شف وش كثر خليت جرحي طوابق
أدري خُلقت بنفخة الرحم من طين
لكن خرجت أحزان من طين سابق
من وين أجيب الحزن من وين من وين
دام الحزن بالجوف ياهيه نابق
وللحين تنشدني عن الحزن للحين
وأبُك ترى شكلي على الحزن لابق