يطري الشمال ورعشَة أطراف الصباح
والموقد اللي ياكل صدُوف الحطب
والشّارع اللي ما دهمه إلا المزاح
لا جرح غاير لا هموم ولا نصب
ماغير خوّة تفهق الضيقة براح
ولا غير ضحكة ما يعكّرها تعب
فخرالعنوز "فهيد" ضمّاد الجراح
ما ينقضي من طيبه الواجد عجب
الْيا وقَف وقّف على رجل الكفاح
ولا يطيح إلا على هام السُحب
و"تويجري" منهو يشوفه استراح
وجهٍ سُموحٍ صانه الله من غضب
الْيا تجمَّر بالهموم الطيب فاح
والْيا تعاتب ما يبادل بالعتب