طبع الردى يخبرك عن كاسب الطيب
والجهل ضد أهل العقول الحكيمة
والصدق يظهر صانعين الأكاذيب
والبخل وضّح لك وجيهن كريمة
بالضد نقدر نفرق الصح والعيب
وأهل المدوح وكاسبين الشتيمة
ناسٍ تقوم بوافيات المواجيب
وناسٍ على كسب الفشايل مقيمة
للمرجله دربٍ على الهيّن صعيب
يبغا لمن يمشيه صبر وعزيمه
من لا كسبها من قبل حزت الشيب
يرجع على الماضي وعادة حليمة
الذيب يتعلا بروس المراقيب
لكن شبيه الذيب ينحي الخريمة