يا ظالمة ما ينفعك يوم تبكين
ما ينفعك يا بنت كثر الحسايف
جيتي دموعك مستهله من العين
جيتي وقلبك فاقدٍ له ولايف
من بعد ما زدتي على الجرح جرحين
جايه تقولي يابعد هالطوايف
لا تشتكي أرجوك لا لا تشكُين
بعتك خلاص اليوم والقلب عايف
انتي نسيتي حبنا يوم تقسين
شلت القهر والضيم وسط النحايف
عشت بعذابك يوم ذقت الأمرين
وآخر حنانك يطلع الحب زايف
وش ذكرك يا بنت دامك تخونين
وش ذكرك حبٍ طوته الصحايف