السجن ضاق ع الهم
فرَد البريئ شوقه
يا ليل بقولوا السم
طبّاخه بيدوقه
امتى اللي رص الحديد
قضبان لأحلامنا
نلقاه سجين في القيد
و همومنا دي طوقه
يا بكرة
جي بخوف؟
واللا في كفك ضيْ؟
الكذب ع المكشوف
بقى لعبة اللي جيْ
و الحلم داسه جبان
ناعم ولا التعبان
خايف لا تبقى كمان
زي اللي
فات يا خْي
هزرع تقاوي النور
وافتح بيبان الدور
وان تاه خطاك عننا
هاستنى ييجي الدور
إملا الجيوب إصرار
ما تخافش أي جدار
إوعى الأمل ينهار
حتمًا يغور الزور