سلام يا الزين كيف الحال؟؟
يا حُلو جَذاب يا كَامِل
عَينت لِك والعيون اِطوال
والقلب بَك ذاب مِن داخل
ووحَيت لَك داخلي مَوال
مَا هو بشيلة ولا زامل
والروح يا الروح نحوك مَال
طيفك أمامَ اعيُنِي مَاثل
حبك ولا كان لِي عالبال
والآن هو شُغلي الشاغل
حُبك حبيبي يِهد جِبال
ويغمر السَهل والساحل
ارحم عذابي وشوف الحَال
وأنا أعرفك يا الغلا هايل
ما ينفع الوصل بالجوال
ودي تكن جانبي واصل
في الحل يا زين والترحال
وٱنته معي طالعي نازل
كَسرت فَي القلب سبع أقفال
دخلتْ غلقتْ مِن داخل
يا ليتني فِي خُدودك خَال
وأكون أشوفك على الساهل
أو ليتني فِي العُنق سِلسال
مطروح فِي جسمك الناحل
واحذر تِسمع لقالت قال
أو كلمة الواشي العاذل
ما ودي إلَّا اقطفَك وأنال
شُفني بكائي كما الجاهل
فداك عُمري فداك المال
أهم شي لا قدك قابل