مبروك يا فيصل عسى الله يهنيك
مبروك عرسك يا عريب الجدودي
عسى الفرح دايم حليفك يباريك
والله يبعد عنك كيد الحسودي
عيش الحياة بحب مع من يسليك
وينسيك أيام الشقى والنكودي
وانته يبو راشد من القلب بهديك
باقة تفوح بريح عنبر وعودي
حيثك وريث العود عسر المساليك
اللي سقى العدوان سم الكبودي
وياذا العريس اليوم منهو يضاهيك
إلعب بسيف العز وارقى سنودي
ويا مرحبا بالضيف والله يحييك
ما ناحت الورقى على كل عودي
وابن سلومه اليوم يرسل تباريك
صوب المقارح عابره للحدودي