لو تعرفي
يا حلوة بس لو تعرفي
وهج السنين ما بنطفي
والشوق بزيد ظاهر خفي
يا ريتك إنت بتعرفي
ناسا تعزك وتحتفي
لا اتغيروا لا اتبدلوا
حملوا القساوة اتبهدلوا
حال البحب دايما وفي
يا ريتك إنت بتعرفي
يا حلوة بس يا ريت أشوفك
أنظر إليك وأعرف ظروفك
يمكن الأيام تساعد
وأنسى بيك حظي المعاند
نفسي أشوفك
نفسي أشوفك
دي الحقيقة
كل ساعة وكل دقيقة
وأحيا بيك أجمل وئام
فرحة فى وسط الزحام
يومها جرحي بيختفي
يا ريتك إنت بتعرفي
العمر مالو يروح سريع
ويسيبني في شوقك صريع
بهواك كبير ... بهواك رضيع
ما إنت فى عمري الربيع
واحة ومساحة من منى
أرتاح وافرح بيك أنا
وردة وجميلة وسوسنا
نشرت عبير ... بالحيل كتير
صافي ودفي
يا حلوة آه لو تعرفي