اتكلمي
اتكلمى ... اتكلمى
ياللى فهوايا بتظلمى
انا ليه بنيتيك كون جميل
وانت ف ضلوعى بتهدمى
لو كان غرامك ملحمه
والقلب وخداه سلمه
انا قلبى نخله ف السما
والنخل عمره ماينحنى
كان قلبى ليكى فى الدنيا بسمة
يادموع حزينه ف قلب ليل
ايامها كنتى ارق نسمه
ضمتها جوه جناح جميل
واما عشقتك ملهمه
بتبيعى فيّه وتطعنى
انا قلبى نخله ف السما
والنخل عمره ماينحنى
اوعى جمالك.. يخدعك
ويلبسك تاج الغرور
ان كان غرامى طمعك
جوايا ح ابنى الف سور
وان كان جمالك يوم رمى
السهم ممكن ينتنى
مانا قلبى نخله ف السما
والنخل عمره ماينحنى