يا زين هالليله مهي كل ليله
ليلة فرح والناس فيها حشيده
كن الفرح فايض وغطى بسيله
رمضا تناشد هالسيول الفريده
واللي بنمرن ما يجي في مثيله
ذربن وراعي للفعول المجيده
والليله اللي في حلاها طويله
نمرن قمرها والليالي شهيده
زفة حبيبن في قلوب القبيله
نمر الموده والمحبه الوطيده
وِافرح وسيفي والسيوف السليله
تبرق على روس الخلايق سعيده
سبحان يا بو فالحن وش لي حيله
يومي بشوفك والفرح بي قصيده
ما غير مبروكن عليكم وشيله
تنشد بصادق فرحتي لك نشيده
يا نمر ليت العمْر يغدق جميله
وتعيش تِهنى في حياتن رغيده