مفتتح
دور داير ودور أتحبك
لبن تمر هندى على سمك
الدهب مايبقاش دهب وأتسبك
لو الصايغ بياعه أرتبك
زى صياد في بحور السمك
لابصنارة يصيد ولا بشبك
مدبوح في حِجرو.. مُنهمك
بلبل الليل اللي أتشبك
تحت وطأة الواطى بيندعك
مصير السنابل مشبعك
غيطك مراحيضك مصنعك
أشرب النيل في كرشك
وخد مصيرنا في الكفن
لعله يشفعلك ينفعك
المواطن دلدل اليوم فوق رقبته
لاها يغشك ولا هايخدعك
ماأنت زى التلج ما أسقعك
سكتنالك لحد مابقيت لبط
ومشيك البطال بلوى، وعبط
لو حطو مكانك السد العالى
كان غار في داهية، وهبط
إيه؟
مانفسكش تبطل عبط؟
ياصلاح الدين ياناصرنا
مصائرنا قدرنا مصيرنا
ووالينا عصبنا عاصيرنا
سجادنا كليمنا حاصيرنا
على نهج الملكة اليزابيث
امريكا وشروة وبيزنس
خوازيقنا وأحنا بنلبس
وصهاينة بتعلا وتكبس
على وش الصبح تصبح
وقفاك معدول ومصلطح
تتقايم فينا تترنح
كرباج خلاك تتصرمح
ومحدش رادعك يمنعك
ماأنت زى التلج ما أسقعك
سكتنالك لحد مابقيت لبط
ومشيك البطال بلوى، وعبط
لو حطو مكانك السد العالى
كان غار في داهية، وهبط
إيه؟
مانفسكش تبطل عبط؟
مصر سنة