تجافيني على بالك بعادك هو نهاياتي
ولا تدري بأني يا الهوى،، ياما تمنيته؟!
ولا تدري بكم،، مره،، ابين لك معاناتي
واقلك،، قلبي ايحبك متيم فيك سميته
عشاني يوم اتوارى واصدح بأعلى ضحكاتي
تحس ان قلبي مو بأمرك واني منك اخليته
ولا يفرق معي بعدك وهو مِنك مِكافاتي
وجرحي صار لي مِتعه ولحنن مَعك غنيته
انا من يومي اتجردت احساسي وعبراتي
عشان ابلي احد غيري يذوق امن اللي مريته
ابي هالكون يتعنى ويِبعد عن مداراتي
خلاص ولا بقى مني ولا من شي حسيته
اثر يترك بصيصٍ من بعض أردى شعاراتي
احبك كلمةٍ،، ادت لكل حرمانِ عانيته
انا ما عدت انا،، حتى ولا ظلت مساراتي
تِغير قلبي لا تسأل نتيجة شي سويته
وانا اشبه احد يمكن ولكن للأسف ماتي
بعض او شبه انسانٍ زمان ابمرك ابليته
وقلت انه هوى الدنيا وحاضر يوصل الآتي
اثاري لعبتك جثه لحمها للأسف مِيته
خلاص ولا تجادلني،، وهاذي هي قناعاتي
جديده وسابقٍ تعرف من الماضي تناسيته
وكل اللي بدر منك من ايهامي مناجاتي
قدر ولا رضيت الا يجيني مثلما جيته