كل اللي باقي.. حبة حروف
متنطورين
هنا وهناك
يفتكروا
ساعات اللقا
وساعات خلاف
وساعات حنين.. لو نلتقى
من صهد ناره..
نشعُر لقانا ف محرقة!
كل اللي باقي كام قصيدة
صارت شهيدة
من فعل سم الحاسدين
سقطت ورودها.. في عز ماهي مورَقة!
ليه يا زمان.. بتصُد حلم العاشقين
وترش حزنك ع المكان
ليه يا زمان.. مفتون بدمع السهرانين
وب آه حنينهم.. لما يترجوا الهوان؟!
صرخت قلوبنا من الشقى!
ليه لما نصدُق في الحياة
نشبَع مراوغة وكِدب تِندى لُه الجباه؟
ليه اللي شاري ما يعَامِلش إلا اللي باع؟!
كل شيء حلو ف خيالنا زمانُه ضاع
ومع انه ماضي.. لسه ذكراه مبحلقة!
كل اللي باقي
حبة حروف
متنطورين.