بدا توّه !
سطع ضوّه !
ومال ب آخر الشمعه !
نفث فيها
طفى ضيّه !
تعالوا : قصّوا الكعكه !
تعالوا
قصّوا البسمه !
تعالوا
قصّوا الصوره !
وخلّوا إثرها
فاضي !
على ايش الحب ؟
وشهو له !
وليش الشمع ؟
وشهو له ؟
تعالوا نطفي البسمه !
ونشعل للمسا
دمعه !
مدام إن الحكي
... نزوه !
مدام إن الهوا
... نزوه !
مدام إن الفرح
... نزوه !
وهي تفرق
على الكذبه ؟
تعالوا ... نكذب
ونشجب !
تعالوا نصفع
الأكذب !
مساء الورد ي آهي !
تعالي نكذب
ونرقص !
على غنوه من الآمي !
من أحلامي
من آخر نوتة
إبهامي !
إذا ودك ؟
بقى يدك !
ولفي حولها دمعك !
إلى ما
مائك العاري !
وطيحي
طيحة المومس !
لأن الدمعه العظمى
أبد ماتسقط الأسما
ولا تسقط ..
لمِا تسقط ؟
ولكن إنت ِ
المومس !
تعرّي
وإلعني بعضك !
وطيحي
وألثمي كمّك !
ياأتفه من سقط
مني !
وأنا أعظم منّك : لأني !
عزيز النفس
[ وآغني ] !
يسرك
لو تساقطتي ؟
أجل طيحي
وذا قدرك !
أنا ياسادتي آسف !
إذا كان الحكي
[ نزوه ] !
أنا عرّيت
هالدمعه !
تهنّوا ب آخر الكعكه !
وقصّوا آخر
الصوره !
وخلّوا إثرها
فاضي !
وأنا ياسادتي
آسف
إذا شوّهت
هالحفله !
هنّا يسكت !
مضى يمشي !
ويحمل كتفه
ب كمّه !
رمى من دمعه
البدله !
وبلل هالمطر
بعضه !
ركل حزنه
رمى منديله
ب ضحكه !
لعلّ إنه
شرب أكثر !
لعلّ إنه
صحى أكثر !
لعل إنه
لعل إنّه ... !
رمى من جيبه
الأعلى !
بقايا ناس
متسّخه !
طواه الشارع
... الساخر !
وهذا
آخر المشهد !