وجودي وجود الذيب ساعة رمي وافتزّ
ورمى صيدته من شدة الخوف والفزّه
أحس إن قلبي به شباري تحزه حزّ
يمرر عليه الحدّ يبراه ويحزّه
وصدري مثيل القدر لاحط فوق القزّ
وزادات عليه النار لين احترق رزّه
وجودي على رفقة خوي الشرف والعزّ
كريم السجايا يوزن الروح ونعزّه
خويٍ على الشدات يرسي ولا يهتزّ
على شدة الأيام ما يعرف الهزّة
خذ الصاحب الونعم وقل للبقيه طزّ
ويغنيك عن كوم الحطب شعلة الجزّة
ترى صقر واحد عن ميه من طيور الوزّ
وكف الصقر ماهو مثل مخلب الوزّة