سمح لي نقولك
اسْمَحْ لِي نْقُولَّكْ
مَرَّة أُخْرَى خَانَكْ التَّعْبِيرْ
رَافْضَاكْ كُلَّكْ
هَذَا وَزْنِي بْمِيزَانْ التَّقْدِيرْ
مَالِي وْمَالْ قَدَّكْ وْلُونَكْ
كُونْ ابْيَضْ أَوْ كُونْ اسْمَرْ
مْعَ لَيَّامْ تَذْبَالْ عْيُونَكْ
وْمَا تَبْقَاشْ بْلُونْهُومْ تَغْترَّ
لَوْ كَانْ جِيتِي عَلَى كَانْتِي
وْافْكَارَكْ خَاوَاتْ افْكَارِي
تَعْرَفْ بَلِّي حُبِّي وْ إِنْسَانِيّْتِي
مَاشِي لَعْبَة فْيَدِّينْ الدّْرَارِي
الْمَالْ يْجِي وَيْرُوحْ
وَالثُّوبْ يَرْشَى وْيَتْبَالَى
إِنَّمَا جْمِيلْ الرُّوحْ
يَمْكَنْ يْكُونْ لاَبَسْ دَرْبَالَة
مْخَدَّة عَنْدَكْ شَارِيهَا لَدْفَاكْ
وْحَقّْهَا عَنْدَكْ انْتَ تْدَفِّيهَا
سُبْحَانْ اللهْ فْطَبْعَكْ وَهْوَاكْ
مَنْ غِيرْ رْشُوقَكْ مَا تَدِّيهَا فِيهَا