ما كتبت الشّعر في حاجة ظهور
وان ظهرت القاف قافي واتعبي
للنّصيحه داهلٍ صدري سرور
أفهق اسماعي لها وانا الأبي
خلّ عنك العمر في بعض الأمور
العقل مقياس يجهله الغبي
إحترمتك يوم جنّبت الحظور
وانت تدري وش هواي ومطلبي
في نقاشي معك يلحقني قصور
والمجامل ما يوالف مذهبي
والله انّي هادي وجدّاً صبور
لكن اليا ضقت شبّيت احطبي
غرّك انّي شاعر وكلّي شعور
المشاعر ثايره ف اليعربي
ما عرفت الشّاعر اخلاقه تبور
لا غدى المخطي على الشّاعر نبي
ول استفزّ اخلاقه الهافي يثور
والنتجيه عكس م الهافي يبي
إعلم الدنيا ترى دايم تدور
والمسائل ما تكدّر مشربي