أفرح بشوفك (متصل) عالوتساب
!ش عاد لامن صار (جاري الكتابة)
أنسى معك كل المواجع والعتاب
بأقول: (غالي)... ويتدلل جنابه
أتأمل (الجوال) كنه غدا باب
يجيب ريحة من ذبحنا غيابه
أذوب بحروفك وبأسلوب جذاب
لاقلتي: (شلونك حبيبي) بذرابة
(أخر ظهور) يخلي الصدر منصاب
ويهل دمعي مثل وبل السحابة
ياللي وصالك بلسم الروح واطباب
غيبتك عندي مثل(ظلم القرابة)
مرن (ثلاث أيام) صاحبك مرتاب
لوهن(ثلاث شهور) حثوا ترابه
لا تغيب عني يا بعد كل الأحباب
خلني أشوفك (متصل) وبثواب