بعض البشر بيضة غراب ولو تحلّى بالأدب
ولاّ مثيل الداب يخفي داخله سمّيته
يولّع الفتنة لربعه مثل نارٍ في حطب
الله لا يعقل به في الروحة ولا في جيّته
تبّت يدينه مثلما تبّت يدين أبو لهب
من يوقظ الفتنة ويحييها وكانت ميّته
قولوا عسى الله يبعده عنّا ويخسى ويعقب
راع النوايا السود لا يمكن يبدّل نيّته
أجرب ومن يتقرّب الجربان يعديه الجرب
الخبث ساكن في جبينه والشنب ولحيّته
يا ليت من يكويه بالميسام من حام اللهب
من كفّ رجالٍ قوي العزم ينضج كيّته
أما يفيد الكي ولاّ نقول يا ملّ العطب
ويفكّ خلق الله من شرّه ومن نوعيّته