فديت الرقة في جيزان
فديت الفل والعزان
فديت الهمس لما يكون
مع الكاذي وصوت الدان
وذاك النقش في الكفين
ودهن العود والريحان
الا يارب لا تحرم
خفوقي من حلا جيزان
لقيت الرقة في العينين
وبسمة حب في تحنان
ونبرة صوت مبحوحة
على همس البحر تزدان
لقيت اللهفة تجمعني
بروح الروح والوجدان
ألا يارب لا تحرم
خفوقي من نقا جيزان
تلملمني نعومتها
وتحوي خافقي الولهان
تقول اقبل ترى روحي
تحبك يا ولد صنعان
تعال امسح دموع البعد
واروي مهجة العطشان
ألا يارب لا تحرم
خفوقي من هوى جيزان