سود العيون الي بها سحر هاروت
يابو سعد يا ويل من ينظرنه
يوم أنظرن لي صحت في عالي الصوت
قلبي على الجرح القديم جرحنه
أرسل سهامه داعج العين بسكوت
صار الهدف قلبٍ همومه فظنه
وعذب بحالي لين وراني الموت
وأن ما حصلي عندي الموت جنه
ياخوي رح صوبه قبل فايت الفوت
قبل الليالي صاحبي يبعدنه
قله مريض وحاربت نفسه القوت
عطه الجواب وجبلي الرد منه
إن كان لبى مطلبي صرت مبخوت
وأن كان قرر بالجفا أموت منه
قلبي عليه من المعاليق مبتوت
إن كان يوجد لي بقلبه محنه