ما اذكر بأني ياعشيري تندمت
إلّا على ذيك الليالي الكئيبه
وقتٍ مضى ياصاحبي كل ما قمت
نبراس كلٍ لا انتخى ينتخي به
أحدٍ يجي أرجوك تكفى انا انظمت
وأحدٍ يجي يشكي غرام الحبيبه
أقضي حوايجهم وانا ماتكلمت
شمسٍ شعاعه شرق حزة مغيبه
اغرق واعوم وارجع اغرق الياعمت
وآطى على جمرٍ حرقني لهيبه
أسهر واقول اني انا البارحه نمت
ولازلت ادرس هالحياه الغريبه
تكفخ بي النفس العزيزه الياشمت
كفخ الحرار اللي مرامه تجيبه
انا محيط الشعر لا من تلاطمت
أسند على نسل السلاله العريبه
ياصاحبي منّك خذيت وتعلمت
ان الوفا في ه الزمن له ضريبه
وكلمة عتب أحيان في نظرة الصمت
أخير من شرهه كلٍ دري به