كان منايا يا (ضُحايا)
تبقى دلوقت معايا
يا ترى يا (ضحايا) فين؟
يا (ضحايا) إنتى نجمة
طاله من فوق السنين
إنتى نسمة حب حلوه
وانتى نظره من عيون المشتاقين
يا (ضحايا) إنتى غنوه
كلها أشواق حنين
يا (ضحايا) إنتى ضحكه
فوق شفايف محرومين
دا الحياه تحلى بقربك
وف عنيكى الطيبين
كنت بحلم ليكى دايما
يا (ضحايا) احلم لمين؟
إنتى فاكره يا (ضحايا)
لما كنتى ف يوم معايا
لما كنا كتير بنسهر
كنتى تحكيلى وأقولك
إحكى تانى يا (ضحايا)
كنت أطمن بحبك
وكنت اقول لك
يا (ضحايا) خلاص تعبتى؟
كنتى بتقولى نعستى
كنت أقولك لسه بدرى
كنا بنسابق ف ليلنا
لجل نستنى النهار
ولما ييجى نبص ميلنا
مين كتب للتانى كلمة
ليها جوه القلب آيه
وكنت أقولك إنتى غايه
لسه فاكره يا (ضحايا)؟
واللا نساكى البعاد
كل كلمة حب حلوه
فوقها دمعه من سهاد
يا ضحايا يا منايا
نفسى أسمع كلمتين
نفسى أحكى لك وتحكى
نفسى يجمعنا الحنين
يا (ضحى) بطلت أغنى
ولو هغنى
طب لمين؟