بقولك أيه
يا مغلوبه على أمرك
أشوف تمرك ونا الحايع
وأشيل طينك
وأشق الحلم من ليلك
وشيل إسمك
وأغنى ف قهرى مواويلك
ومهما الظلم يوم يعلى
أغنى لك
وبتمنى أكون نقطة ف ماء نيلك
واقولك أيه
عمرى ما كنت يوم بايع
برغم وزيرك الصايع
اللى غلبت أناديلو
ومش سامع
وألم ف خيرك الضايع
يا عم انا صاحب الحتة
منيش تابع
يا خوفى يرجع الماضى
بأيامو اللى كانت ضنك
وييجى عرص يحكمنا
ويعمل كام بطوله فشنك
ونقتل خير عروبتنا
وقد ننسى إخوتنا
بلا أخوه بلا عروبه
مفيش إسلام فى دى النوبه
أنا الحاكم أنا القاهر
وهقولها لكم بشوق عاهر
هعاديكم بعلو الصوت
وهقتلكم وهسجنكم
وهسحلكم ليوم الدين
وهتكونوا أكيد راضين
مادام راضى
مادام مبسوط