مش باقي عتب
ما فوق العتب
طابور برئ
ف طريقه للضياع
والارض خاويه
والنفس عطشانه لكلمه
تبقي للقمه
لما يدقوا طبول
مراسيم الجياع
وحرقه الضهر
والشمس لما بتبقي حاميه
تمشي الخلق حافيه ع الرمال
ومكدره
زي تور لافف ف ساقيه
والقلوب اصلب من صخر الجبال
ويموت علي كفوف الزمن
الف طيبكل امله
يبل ريقه حبه حنان
لما كان الصبر نافد م العروق
والصبح باع معني الشروق
واتبدلت المسأله
والمشكله الحب قلب
مش علام ماهو لو علام
يبقي عمرنا ما دقنا طعم المدرسه