بايت اقلب الذكريات
وبنيت قصر من المني
وفادت بايه الامنيات
واختلفنا واللي جني راح اشتكي
واللي ابتدي بالمكر زود ف الحكي
واه علي البشر كله حكايات
وسرحت فوق حد البكا
مكانش عشمي يبقي اللقا
دمعه مكسوره ف سطرين سكات
كان نفسي اقول بس اتخرست
كان همي فوق طاقتي واحتملت
وقلت الموده تهون حاجات
ياما حلفنا للربيع نكون ضهره
وياما زرنا الوادي وطيبنا خاطره
حد ما العمر فات
بدا صبري اللي اتكنم واترسم ع جبيني
والهم اللي طواه الليل صابح علي عيني
وعلي خدي ساب علامات
ومين قدي مكسور من ندي
وعلي يدي الحزن عندي يهدي
كتير بدي ومن عمري يقولي هات
فرشت القلب له مطرح
ولما نتلاقي قبله اقوم افرح
واجيله قبل الميعاد
ازور الفرح علي كتفه
واشوف نفسي وانا قربه
واشكيله مر البعاد
وفات العمر مقطوفه ورداته
يدوق الذل من خله ومن ذاته
وانتهيت بايت اقلب الذكريات