على الهجوس الي يطرّق بابه
راسٍ يبين فالشعر مضرابه
ملك جزال الشعر واغلى سوقه
يوم ان غيره للهزل جلابه
تنقل بطون العامرية شعري
لاهل الشعر ومجمركين ركابه
ويدن شعري م الركايز سبعه
والثامن الي لازمٍ محرابه
وجاني الرسول الي لفا من هاذر
على مدوح مرجلٍ من دابه
اعطى الهواتف خادمٍ من عامر
يرسل اجابة من يريد اجابه
ثم اعترض دربه سكير وبنته
عليه حلّت ثيّبن وعصابه
وقال القرض في جال ضوه ظبيه
والسبع حوله يندرج بانيابه
وصاح الرسول وقال كانك مسحل
هات الدلايل والحجج والقابه
وش علم ضيفٍ حميرين شامي
يقطع صلاته والشعر يتلابه
على لسان الناقل الاعرابي
اسمه على اسم الي ختم انسابه
يومه يقول ان قبل ثالث ليلة
نطح لوجهه شايبٍ بخضابه
يروي لمنهو يرتوي من لاحظ
وعلى هبيد رهايفه طرّابه
ويقول بن صويحب الذبياني
حبر القصيد وريشته وكتابه
ورد وعزيزٍ قاضيٍ في ملكه
اني على ماقلت حاضر مابه
من وقت ماجا لمظعونٍ خاطر
الين قفت بالضعون ذيابه
هذي العلوم الي تنشد منها
عني وهات من العلوم صبابه
من ذا الذي بتسوق صوبه رجلك
عاد الجفير محضنن لانصابه
قال الملوك الي غلاظٍ شده
راعو لعلمٍ مايرف اهدابه
صاحو وقالو عالحميدي شاعر
يطرق قصيدٍ ماحدٍ غنابه
ماريته في خاتمٍ فالبنصر
والسبحة الي تحضن السبابه
ويمس شعره من نجيٍّ هوبر
قرمٍ حبوتٍ مايطير غرابه
خلا الصلادم وولده والابرص
وراعي المثالب وندده طلابه
اليا طرق طرقٍ يشوقك سمعه
من جيده ومن جيد من ماغابه
رجلن وجيته قبل هذي المره
بعد السلام ورده وترحابه
علمته ان الي معه مايطرا
عند الملوك الي لها مايابه
اعلن عليهم معركة ثورية
وغادر بطاين عبقرٍ ورحابه
واصبح قصيرن للمصايب ناهس
والناهسي روس الجنون تهابه
وعيا على الي زابنن في ربعه
وزدت السؤال الي يزيد اعصابه
الين طبت وحرت ثم بادرته
انشده عنه وعن خشير زهابه
من انت منه يالشجيع النادر
وهات لخشيرك قولتن تزهابه
قام يتعزوا فيصلٍ بن عاالي
ويقول ويمينه تمس اشنابه
من ناهس الي يلطمون العايل
اليا كسا وجه السماء شبابه
اهل الجنابي والفشق والثاير
عطف المقابض مجهمات السابه
حنا ذرا منهو زبنا خايف
وحوض المنايا للعدا حرابه
لاد النمار اليا طرا طارينا
مازاد شيخ مرددٍ من جابه
من روس شهران العريضه ربعي
قومٍ لزرقات الظفر طلابه
اهل العشر واهل البياض السبعه
هل جيرتن عقب النبي واصحابه
يشهد لنا من قد وسمنا خده
ومن قد ضحك في ظل ربعي نابه
ذولا ربوعي دولةٍ في دولة
ونماهم الي فاللوازم لابه
واما خشيري في علو القمه
نسل الحرار الكبّر الغلابه
علي النديم لفيصل الشهراني
لاصار كلن يفخر بمن شابه
من روس قومٍ فاللقاء نابيها
دمي العدا لركبّها منسابه
يامٍ ويامٍ كالرصاص القرّح
لاقام كلٍ يومي بمشعابه
استورد الي ناشدن عن علمي
واقفى يقول بدهشته واعجابه
الله يكفيه العدم من شاعر
والله يرحم شايبٍ قد جابه
هذي خلاصة هاتفٍ في حلمي
والعامري عج الكرا قفابه
وهذي علوم الشاعر الي وقعه
فالطيب قبل ان الشعر يسمابه
فالرجل شعره يسقيه من طيبه
والبيت مايثبت بغير اطنابه
فاما اجمّل فالشعر من خلّف
ولا فعارٍ قولتي له يابه