يستريح الحزين من الحزن

يستريح الحزين من الحزن

ثانية! قبل.. يرجع به عليه

ما يغمّض من اوجاعه جفن

ولا يوّقف عن الفركة يديه

وش يقول السجين عن السجن!!

لا غدت خطوته منّه إليه

صاحبي.. والغلا ما يندفن!

كل عرقٍ بقلبي يحتويه

الوفا شي ما يحتاج إذن

ولو سألني أحد! من غير ليه

قالوا انك مريض وقلت: ابن!

حزن وجروح هذا اللي يجيه!!

ما نساني واعرف انه يحن

ويدري اني أحبه! واشتهيه!!

كل ليلة.. على بالي يعن

واحدٍ فالبشر ماله شبيه

فرحته كنز! لكنّ الحزن

كل ما ارتاح يرجع به.. عليه