من حلمة الضيق ومن نهد الاوجاع
رضعت لين الصبر روى شدوقي
ارد بالصاعين للي عطا صاع
واحشم حقوق الناس واخذ حقوقي
ما اشابه لمخلوق يمشي على قاع
يفرقني عن الناس طبعي وذوقي
نوقي سنامه مجد وعيونه وساع
اموت زايد ما يمسون نوقي
حتى عروقي حين ما تمسي جياع
اموت وارفض شخص يسقي عروقي
ان ما من المعبود تتيسر اوضاع
يا مرحبا بالقبر بعد الدفوقي
الحر ما يشرى ولا يوم ينباع
وما غير رب الكون فيه شي فوقي
تضيع هالدنيا ولي عز ما ضاع
لو ضاع كلي بين جمر وحروقي
من حلمة الضيق ومن نهد الاوجاع
رضعت لين الصبر روى شدوقي