دستور ع العزبه وعلى نخبة

دستور ع العزبه وعلى نخبة...

جزمه في رجلين أبو عمدتنا..

دستور يا سيادنا...

يا خيبة نخبة عزبتنا...

من طوب كستور كاشف ومبين عورتنا...

لأ ومقلم يا سلام سلم على حلاوتنا...

له مليون جيب واسع ويناسب زمتنا...

كشف العله فى أول بله...

كش وكرمش...

طول عمره مبهدل ومرقع...

عاش متهمش...

عدل يا كبير...

طول...

قصر...

قص ولزق...

هات غرا وأمير..

أو حتى كلة جزماتى...

أصله مهزق...

اعمل إعلان لو مظبطشي...

انسفو ببيان ما يهمكشى...

وان باظ منك اوعى يهمك...

الترزى موجود ما اتشلش...

دستورنا يغور...

بس انت استنا ما ترحلشى...

كمل بوجودك فرحتنا...

من غيرها الفرحه ماتكملشى...

عدل واعمل فيه ما بدالك...

أستاذ دساتير!!...

هو احنا هنوصل لخيالك...

طب دا حنا حمير...

واللى يعارض سيبك منه...

وابعتله غفير...

دساتير الخلق بتجمعهم...

ودستورنا مفركش لمتنا...

عملوه عولا.لا سابوه مدفون...

ولا سكتو ودارو على خيبتنا...

دستور ع العزبه وعلى نخبة...

جزمه فى رجلين أبو عمدتنا..

دستور يا سيادنا...

ويا خيبة نخبة عزبتنا...